Kattaqo‘rg‘onda gofrakarton ishlab chiqarish korxonasi ishga tushdi

Kattaqo‘rg‘on tumani Yangiqiyot mahallasida faoliyat yuritayotgan tadbirkor Oybek To‘xtayev Xitoy davlatidan 800 ming AQSh dollariga gofrakarton ishlab chiqarish liniyasi olib keldi.

Gofrakarton – sanoat va biznesda ishlatiladigan, yengilligi va arzonligi bilan ajralib turadigan qadoqlash materiali. Bu turli mahsulotlarni qadoqlash sifatida foydalanish uchun keng tarqalgan.

Bugungi kunda “Zarina fayzli kelajagi" mas’uliyati cheklangan jamiyati sifatida ish boshlagan korxonada oyiga o‘rtacha 300 mingta 100 turga yaqin gofrakartonlar ishlab chiqarilmoqda. Korxonaning ishga tushirilishi mahallaning 30 nafar yoshlarini doimiy ish bilan ta’minladi.

Kattaqo‘rg‘on tumani hokimligi axborot xizmati.