Kattaqo‘rg‘onda qo‘shnilar o‘rtasida janjal yuz berdi
Kecha, 20 iyun kuni Samarqand viloyatining Kattaqo‘rg‘on tumanida yashovchi 55 yoshli U.R. uyi oldida o‘zaro janjal sabab qo‘shnisi 31 yoshli Sh.A.ni qorniga tepib jarohat yetkazgan.
Natijada Sh.A. kasalxonaga yotqizilgan. U.R. ushlangan.
O‘zbekiston Respublikasi IIV Jamoatchilik va OAV bilan aloqalar boshqarmasi xabar berishicha, holat yuzasidan jinoyat ishi qo‘zg‘atilib, tergov harakatlari olib borilmoqda.
