Koronavirus: Bugungacha dunyodagi vaziyat

Xitoy Sog‘liqni saqlash milliy komissiyasi bergan ma’lumotga ko‘ra, mamlakat ichida bugungi kunga qadar 80860  nafar (15 mart holatiga – 80844   kishi) kasalga chalinganlar qayd etilgan. SCMP (South China Moring Post) nashrining hisobotiga ko‘ra, koronavirus bilan kasallanganlar soni dunyo bo‘ylab 168,7 ming nafarga yetgan (15 mart holatiga – 156767).

Jahon Sog‘liqni saqlash tashkiloti (JSST) bergan so‘ngi ma’lumotga ko‘ra, Xitoy hududidan tashqarida bugungi kunga qadar 72649 nafar kasallangan aniqlangan. So‘nggi sutkada 10982 nafar yangi kasallanish holatlari aniqlangan. Koronavirus bilan kasallanish holatlari 143 mamlakatda qayd etilgan. Xitoy hududidan tashqarida 2531 nafar (14 mart holatiga – 2198) odam kasallik oqibatida vafot etgan.

Jami: 6510 inson koronavirus oqibatida vafot etgan.

Koronavirus infeksiyasidan sog‘ayganlar soni dunyo bo‘ylab 70528 nafarni tashkil etadi (15 mart holatiga).