Koronavirus: Bugungi vaziyat

Xitoy Sog‘liqni saqlash milliy komissiyasi bergan ma’lumotga ko‘ra, mamlakat ichida bugungi kunga qadar 80409 nafar (4 mart holatiga 80270 kishi) kasalga chalinganlar qayd etilgan. SCMP (South China Moring Post) nashrining hisobotiga ko‘ra, koronavirus bilan kasallanganlar soni dunyo bo‘ylab 95169 ga yetgan (4 mart holatiga 92,8 mingdan oshib ketgan).

Jami: 3284 nafar inson halok bo‘lgan (SCMP tomonidan taqdim etilayotgan onlayn-ma’lumot).

Jahon Sog‘liqni saqlash tashkiloti (JSST) bergan so‘nggi ma’lumotga ko‘ra, Xitoy hududidan tashqarida 4 mart holatiga 12668 ta (3 mart holatiga 10,5 mingdan ortiq) kasallanganlar aniqlangan. Koronavirus bilan kasallanish holatlari, 76 (3 mart holatiga 72 mamlakatda) mamlakatda qayd etilgan. Xitoy hududidan tashqarida 214 nafar odam kasallik oqibatida vafot etgan.

Rossiya Federatsiyasida Mechnikov nomidagi Sankt-Peterburg shimoliy-g‘arb tibbiyot universiteti (SZGMU) talabalar turar-joyi karantinga olindi. Italiyalik talabaning shifoxonaga yotqizilishi bunga sabab bo‘lgan.

AQShning Kaliforniya shtatida yangi turdagi virus sababli favqulodda vaziyat (FV) e’lon qilindi.

Yaponiyada COVID-2019 bilan kasallanganlar soni 1000 kishiga yetdi. Shu bilan birga, Yokogama bandargohida turgan Diamond Princess laynerining 706 nafar yo‘lovchilari va ekipaj a’zolari bir oydan ortiq vaqt mobaynida karantinda saqlanmoqda.