Koronavirus tufayli 244 nafar ziyoratchi Saudiya Arabistonidan charter reys orqali olib kelindi
Koronavirus tufayli 244 nafar ziyoratchi Saudiya Arabistonidan charter reys orqali olib kelindi
Uzbekistan Airways aviakompaniyasi koronavirus tarqalishi munosabati bilan O‘zbekistonning ziyoratni amalga oshirayotgan 244 nafar fuqarosini charter reys orqali Saudiya Arabistonidan olib keldi.
Bu haqda O‘zbekiston Respublikasi Sog‘liqni saqlash vazirligi huzuridagi Sanitariya-epidemiologik osoyishtalik agentligi vakili ma’lum qildi.
Ma’lumot uchun, Uzbekistan Airways 27 fevraldan boshlab Jidda va Madinaga reyslarni vaqtincha to‘xtatdi. Bu Saudiya Arabistoni hukumati tomonidan koronavirus tarqalishi tufayli mamlakatga ziyoratchilar va turistlarning kirishiga vaqtinchalik cheklov o‘rnatilgani bilan bog‘liq.
