Ona va bola yotoqxonadan o‘lik holda topildi
Toshkent viloyatining Yangiyo‘l tumanida ona va bola yotoqxonasida o‘lik holda topilgan. Bu haqda Bosh prokuratura matbuot xizmati ma’lum qildi.
Mudhish voqea 2 fevral kuni sodir bo‘lgan.
Aytilishicha, Yangiyo‘l tumanining “Ittifoq” mahallasida 22 yoshli ayol va uning 1,5 yashar farzandi bilan o‘z uyining yotoqxonasidan o‘lik holda topilgan.
Dastlabki ma’lumotlarga ko‘ra ular is gazidan zaharlanishi natijasida vafot etgan.
Hozirda holat yuzasidan tergovga qadar tekshiruv ishlari o‘tkazilmoqda.
