O‘qituvchilarning faoliyatiga aralashganlik uchun javobgarlik belgilangan
Ta’lim muassasalari pedagog xodimining kasbiy faoliyatiga qonunga xilof ravishda aralashish yoki ta’lim muassasasi pedagog xodimining xizmat vazifalarini bajarishga to‘sqinlik qilish javobgarlikka sabab bo‘ladi.
Bunday huquqbuzarlik uchun:
- fuqarolarga bazaviy hisoblash miqdorining (BHMning) 5 baravaridan 7 baravarigacha (1 mln. 350 ming so‘mdan 1 mln. 890 ming so‘mgacha);
- mansabdor shaxslarga esa BHMning 7 baravaridan 10 baravarigacha miqdorida (1 mln. 890 ming so‘mdan 2 mln. 700 ming so‘mgacha) jarima qo‘llaniladi.
Shunday huquqbuzarlik ma’muriy jazo qo‘llanilganidan keyin bir yil davomida takroran sodir etilsa:
- fuqarolarga BHMning 7 baravaridan 10 baravarigacha (1 mln. 890 ming so‘mdan 2 mln. 700 ming so‘mgacha);
- mansabdor shaxslarga esa BHMning 10 baravaridan 15 baravarigacha miqdorida (2 mln. 700 ming so‘mdan 4 mln. 50 ming so‘mgacha) jarima qo‘llanishi mumkin.
