Payariqdagi 10 ta maktabda ikkita xorijiy til o‘qitish va kasb-hunarga tayyorlash yo‘lga qo‘yilmoqda

Prezidentning Samarqandga tashrifi davomida Oqdaryo tumanidagi 32-umumta’lim maktabida o‘quvchi-yoshlarni "Hayot maktabi"ga tayyorlash, ularni kasb-hunarga yo‘naltirish bo‘yicha yaratilgan shart-sharoitlar bilan tanishgan va Oqdaryo tajribasini ommalashtirish xususida so‘z yuritgan edi.

Payariq tumanidagi bir qator maktablarda o‘quvchilarni "Hayot maktabi"ga tayyorlash, ularni kasb-hunarga yo‘naltirish boshlanmoqda. Tuman hokimligi xabariga ko‘ra, navbati bilan tumandagi 3, 15, 19, 20, 35, 62, 68, 71, 84 va 102-umumta’lim maktablarida ikkita xorijiy til va kasb-hunarga o‘rgatish joriy etilishi rejalashtirilgan.