Pomidorini sovuq urgan issiqxona Kattaqo‘rg‘onda emas(mi?)

Ijtimoiy tarmoqlarda Kattaqo‘rg‘on tumanidagi issiqxonalarda elektr energiyasidagi uzilishlar tufayli pomidor hosili nobud bo‘lganligi to‘g‘risidagi xabarlar tarqaldi. Ushbu xabarlarga oydinlik kiritish maqsadida tumandagi mas’ullar bilan bog‘landik. Tuman hokimligi axborot xizmatining ma’lum qilishicha, bir necha kunlik sovuq havo tufayli tumandagi issiqxonalardagi o‘simliklarga hech qanday zarar yetmagan.

Shu mavzuda bir necha OAVlardan ma’lumot so‘rashgan, ammo tumanda bunday holat sodir bo‘lganligi kuzatilmagan. Ijtimoiy tarmoqlarda Farruh ismli fuqaroning issiqxonasidagi pomidorlarini sovuq urganligi to‘g‘risidagi ma’lumotdan so‘ng issiqxonalar o‘rganilgan. Biroq shu ismli fuqarolarning issiqxonalarida bunday holat kuzatilmagan.

Unday bo‘lsa, Kattaqo‘rg‘on tumani issiqxonalaridagi holat, deya izohlanayotgan xabarlar qayerdan olindi ekan?..