Samarqand aeroporti bir kunda 3 ta charter reysni kutib oldi
Samarqand xalqaro aeroporti 18 avgust kuni 3 ta charter parvozini kutib oldi, deb xabar qilmoqda Uzbekistan Airports matbuot xizmati.
Qozondan bitta va Sankt Peterburgdan 2 ta charter parvozlari orqali O‘zbekistonga jami 538 nafar vatandoshlar Samarqand xalqaro aeroportiga xavfsiz keltirildi.
Aeroport xodimlari tomonidan yo‘lovchilarga xizmat ko‘rsatishda pandemiya tarqalishining oldini olish bo‘yicha barcha choralar qo‘llanildi.
Respublika maxsus komissiyasi belgilagan tartib-qoidalarga asosan barcha fuqaro karantin hududiga olib ketildi, deyiladi xabarda.
