Samarqand shahrida yangi mikroavtobus yo‘nalishi ochildi
Samarqandda shahridagi turizm ko‘chalarini bir-biri bilan bog‘lovchi yangi — 1-sonli “Registon maydoni - Bozorov ko‘chasi” yo‘nalishi ochildi.
Ushbu yo‘nalish Samarqanddagi turizm maskanlarini gastronomik ko‘chalar bilan bog‘laydi.
Registon maydonidan boshlangan yo‘nalish Registon, Universitet xiyoboni, Orzu Mahmudov, O‘zbekiston, Abdurahmon Jomiy, Amir Temur, Shohrux Mirzo, Mirzo Ulug‘bek, Ogahiy ko‘chalari orqali Bozorov ko‘chasida yakunlanadi.
Ushbu yo‘nalishda yo‘lovchilarga "Changan MIDIBUS G60" rusumli mikroavtobuslar xizmat ko‘rsatadi. Yo‘lkira narxi 3000 so‘mni tashkil qiladi.
