“Samarqand-Toshkent” shaharlararo avtobus qatnovi yo‘lga qo‘yildi
Bugun 17 aprel kunidan Samarqand shahridagi avtomobillar Bosh bekati orqali “Samarqand-Toshkent” shaharlararo zamonaviy avtobus qatnovi yo‘lga qo‘yildi, deb xabar bermoqda viloyat hokimligi matbuot xizmati.
Mazkur yo‘nalish bo‘yicha har kuni ertalab soat 07:00, 09:00, 10:00 da Samarqand shahridan va kunning ikkinchi yarmida, ya’ni soat 13:30, 16:00, 18:00 da Toshkent shahridan harakatlanishi belgilangan.
Yo‘nalish bo‘yicha harakatlanish vaqti 3 soatni va chipta narxi 1 yo‘lovchi uchun bir tomonga 25000 so‘mni tashkil etadi (avtobus 55 ta o‘ringa ega).
