Tadbirkorning 12 000 AQSh dollarini qo‘lga kiritmoqchi bo‘lgan DXA xodimi ushlandi
Bosh prokuratura huzuridagi Departamentning Samarqand shahar bo‘limi tomonidan tadbirkorlik sub’yektlarining huquqlarini himoya qilish yuzasidan DXX va IIB bilan hamkorlikda tezkor tadbir o‘tkazildi.
Tadbirda, Davlat xizmatlari agentligining Ishtixon tuman bo‘limi katta mutaxassisi B.R., “B.S.” MChJga issiqxona uchun ajratilgan yer maydonini tanishlari yordamida tikuvchilik va pishiriq ishlab chiqarish sexi qurishga hujjatlarni 12 000 AQSh dollari evaziga tayyorlab berishni va’da qilib, shundan 6 000 AQSh dollarini tanishi Sh.R. orqali olgan vaqtida ushlangan.
Holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
