Test sinovi kunlarida abituriyentlar uchun ajratilgan maxsus avtobuslar harakati jadvali o‘zgardi
5-14 avgust kunlari abituriyentlar uchun maxsus avtobuslar harakatlanishi haqida e’lon bergan edik. Talab va takliflar asosida harakat jadvali o‘zgardi.
Yoshlarning imtihonlarga o‘z vaqtida va ortiqcha urinishlarsiz yetib kelishlarini ta’minlash, ularga yanada qulaylik yaratish maqsadida maxsus avtobuslar jadvaliga o‘zgarishlar kiritildi.
Yangi tasdiqlangan jadvalga asosan soat 04.30 dan boshlab 06.00 gacha bo‘lgan muddatda 5-14 avgust kunlari quyidagi manzillarda abituriyentlar uchun maxsus avtobuslar tashkillashtiriladi:
- Ishtixon, Qo‘shrabot, Payariq, Oqdaryo tumanlaridan imtihon topshiruvchi abituriyentlar uchun Motrid va Dahbed qo‘rg‘oni tutashgan hududda (xalq tilida Motrid aylanma yo‘lida);
- Paxtachi, Narpay, Kattaqo‘rg‘on (tuman va shahar) va pastdarg‘omlik abituriyentlar uchun Past Darg‘om tumani, Balxiyon mahallasi hududidagi sobiq Charxin YPX maskanida;
- Urgut, Toyloq tumanlarida yashovchi imtihon topshiruvchilar uchun Samarqand tumani, Chumchuqli qishlog‘i (M-39 avtomagistral yo‘lining Toyloq aylanma yo‘lida);
- Bulung‘ur, Jomboy tumanlaridan keluvchi abituriyentlar uchun Cho‘ponota massividagi sobiq YPX shtabida;
- Nurobod va Samarqand tumanlaridan keluvchi abituriyentlar uchun Qarshi yo‘lidagi aylanma yo‘lda tashkillashtiriladi.
Shuningdek, kechki soat 21.00 dan 22.00 gacha bo‘lgan vaqtda abituriyentlarni yashash hududlariga qaytishlarida xavfsizlikni ta’minlash maqsadida sinov imtihonlari o‘tkaziladigan hududlardan tumanlarga avtobuslar qatnovi amalga oshiriladi.
Har bir maxsus avtobusda uning qaysi yo‘nalish bo‘yicha harakatlanishi haqida yo‘l ko‘rsatkichi mavjud.
Ushbu avtobuslardan faqatgina abituriyentlar foydalanishi mumkin.
Avtobuslarning sanitariya qoidalariga rioya qilishi, yo‘lovchilar soni viloyat transport boshqarmasi mas’ul xodimlari hamda inspektorlari tomonidan nazorat qilinadi.
Aholi uchun jamoat transporti odatdagi jadval bo‘yicha xizmat ko‘rsatadi.
Samarqand viloyati transport boshqarmasi axborot xizmati.
