Talabalarga 4 yillik o‘qish davri uchun 11,5 yil muddatga kredit ajratiladi

"Mikrokreditbank" ATB ajratilayotgan ta’lim kreditlari haqida ma’lumot berdi:

Bank tomonidan 2022-2023 yillarda jami 11 mingga yaqin talabaga 112 mlrd. so‘mdan ortiq ta’lim kreditlari ajratildi.

Shundan, 71 foizi yoki 80 mlrd. so‘mi xotin-qizlarga ajratilgan kreditlar hissasiga to‘g‘ri keladi.

Joriy o‘quv yilining o‘zida esa ming nafardan ortiq talabaga 14 mlrd. so‘mlik ta’lim kreditlari ajratildi. E’tiborlisi, ushbu kreditlarning ham asosiy qismi, ya’ni 77 foizi xotin-qizlarning ta’limini qo‘llab-quvvatlashga yo‘naltirildi.