Tanqiddan so‘ng Ishtixonda svetoforlar tartibga keltirildi
Samarqand viloyati IIB joriy yilning 24 iyunida “Ishtixon ovozi” telegramm kanali va Zarnews.uz saytida “Tumanimizdagi svetoforlar qachon bardavom ishlaydi?!” nomli maqolaga munosabat bildirdi.
Maqolada tumanimizdagi svetoforlarning muntazam ishlamasligi harakat qatnashchilariga jiddiy va xavfli noqulayliklar keltirib chiqarayotganligi hamda tirbandliklarga sabab bo‘layotganligi aytilgan. Misol sifatida tuman markaziy yo‘li va Quruvchilar ko‘chasi kesishgan chorrahadagi nosoz svetofor ko‘rsatib o‘tilgan edi.
Nihoyat mas’ul tashkilotlar tomonidan mazkur chorrahadagi salbiy holat bartaraf etildi. Hozirda bu yerdagi mashinalar oqimi svetofor tomonidan tartibga solinmoqda.
