Test sinovlari qaysi stadionlarda va soat nechada bo‘ladi?
AOKA zalida bo‘lib o‘tayotgan matbuot anjumanida Jismoniy tarbiya va sport vaziri Dilmurod Nabiyev test sinovlari qaysi stadionlarda bo‘lib o‘tishi haqida ma’lumot berdi:
➖ Test sinovlari uchun 155 stadiondan 40 ga yaqin stadion jalb etilishi rejalashtirilgan.
Stadionning soyalik darajalari va boshqa sharoitlarga e’tibor qaratilgan.
Soyabonlar qo‘yilishi masalasiga ham e’tibor qaratiladi.
Ota-onalar uchun kutish joylari, shifokorlarga sharoit yaratish kabi tashkiliy masalalar hal qilinmoqda.
"Test sinovlarining o‘tkazilish vaqti AKT vazirligi bilan hamkorlikda ishlanmoqda.
Soat nechada bo‘lishi, aniq vaqtini belgilash ustida ish olib borilyapti. Tez kunlarda ma’lumot beramiz, - deya qo‘shimcha qildi Davlat test markazi direktori o‘rinbosari Sardor Rajabov.
