Tohir Malikni xotirlab...
Samarqand shahridagi "Erudit" ijodiy markazida tahririyat bilan o‘zining maslahatlari hamda asarlari bilan doimiy hamkorlik qilgan O‘zbekiston xalq yozuvchisi Tohir Malik hayoti va ijodiga bag‘ishlangan xotira kechasi bo‘lib o‘tdi.
O‘zbekiston Yozuvchilar uyushmasi viloyat bo‘limi, “Nuroniy” jamg‘armasi viloyat bo‘limi mutasaddilari, samarqandlik ijodlar va mehnat faxriylari ishtirok etgan tadbirda yozuvchining boy adabiy merosi, asarlarining tarbiyaviy ahamiyati haqida so‘z yuritildi.
Shuningdek, xotira kechasida adibning o‘g‘li Begzod Xobilov tashrif buyurib, otasi haqidagi kechinmalarni so‘zlab berdi. Tadbir yakunida Tohir Malik hayoti va ijodiga bag‘ishlangan hujjatli film namoyish etildi.
Zuhra EShONQULOVA.
