Tovoqbuloqdagi yog‘och ustunlar va eski transformator kelgusi yil dastur asosida almashtiriladi
Joriy yilning 11 noyabr kuni Zarnews.uz “Elektrchilar va’dasini bajarmayapti” sarlavhasi bilan Nurobod tumanining Tovoqbuloq qishlog‘idagi simyog‘ochlarning yaroqsiz ahvolga kelib qolgan yuzasidan murojaat e’lon qilindi.
Mazkur murojaatda keltirilgan masala “Samarqand hududiy elektr tarmoqlar korxonasi” mutaxassislari tomonidan joyiga borib o‘rganildi. Tovoqbuloqdagi simyog‘ochlar avariyaviy holatida ekanligi aniqlandi.
Mazkur qishloqdagi yaroqsiz 30 dona yog‘och ustunlarni temir beton ustunlarga almashtirish hamda 0,4 havo liniyali № 563 transformator punktini yangilash masalalari 2021 yil davlat dasturiga kiritilishini ma’lum qilamiz.
“Samarqand HETK” AJ matbuot xizmati.
