Ukrainada bugun Prezidentlik saylovining birinchi bosqichi bo‘lib o‘tmoqda

Bugun Ukrainada Prezidentlik saylovlarining birinchi bosqichi bo‘lib o‘tayapti. Ertalab mamlakat bo‘ylab  30 ming atrofida saylov uchastkalari ochilgan. Ular mahalliy vaqt bilan ertalab 8.00 dan kechki 20.00 gacha ochiq bo‘ladi.

Ukrainada ushbu saylovda ovoz berish huquqiga ega 35.6 million fuqaro ro‘yxati bor.

Shuningdek xorijda bo‘lib turgan ukrainaliklar uchun dunyoning 72 mamlakatida 101 saylov uchastkasi ochilgan. Ammo ularning orasida Rossiya yo‘q. Bugungi kunda bu mamlakatda ko‘plab ukrainaliklar bo‘lib turgani bilan o‘zaro yomon aloqalar tufayli Rossiyada yurgan ukrainaliklar uchun bu mamlakatda saylov uchastkalari tashkil etilmagan.

Saylov varaqasida umumiy hisobda Prezidentlikka nomzodini qo‘ygan 39 ta nomzodning ism-sharifi ko‘rsatilgan. Saylovchilar ular orasidan o‘zi xohlaganiga ovoz beraveradi.

Ko‘pchilikning fikriga ko‘ra saylovning birinchi bosqichida yetakchi o‘rinlarni qo‘yidagi besh nomzod egallashi mumkin.

1. Pyotr Poroshenko, 53 yosh, Ukraina prezidenti

2. Anatoliy Gritsenko, 61 yosh, «Fuqarolik pozitsiyasi» partiyasi rahbari. Sobiq Mudofaa vaziri, zaxiradagi polkovnik va partiya rahbari.

3. Yuriy Boyko, 60 yosh, Oliy rada deputati

Hududlar partiyasi yetakchilaridan biri, «Muxolif partiya» fraksiyasi yetakchisi.

4. Yuliya Timoshenko, 58 yosh, Oliy rada deputati.

Yuliya Timoshenko ikki marta prezidentlik saylovlarida ishtirok etib, ikki safar ham ikkinchi o‘rinni egallagan. U bu saylovlarda katta tajriba to‘plagan.

5. Vladimir Zelenskiy, 41 yoshda, komik.

Vladimir Zelenskiy aktyor sifatida allaqachon Ukraina prezidenti rolini ijro etgan. Endi esa saylovchilar qo‘llab-quvvatlashsa u Ukrainaning haqiqiy prezidenti bo‘lishni maqsad qilgan.