Urgutda 10 sotix yerni 12 000 AQSh dollarga sotayotgan ayol ushlandi
Bosh prokuratura huzuridagi Departament hamda DXXning Urgut tumani bo‘limlari tomonidan tezkor tadbir o‘tkazildi.
Tadbir davomida, fuqaro G.G‘. fuqaro G.ning ishonchiga kirib, tumandagi “M.T.” fermer xo‘jaligiga qarashli 10 sotix yer maydonini firibgarlik yo‘li bilan sotishga kelishib, 12 000 AQSh dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari olib borilmoqda.
