Xabarlar: Samarqandda sport

05.11.2021 14:38
22
Sport

Basketbol
Samarqand shahrida basketbol bo‘yicha 2005-2006 yillarda tug‘ilganlar o‘rtasida O‘zbekiston chempionati bo‘lib o‘tdi.
Unda respublika bo‘yicha kelgan Namangan, Sirdaryo, Toshkent, Samarqand, Jizzax, Xorazm, Surxondaryo, Navoiy viloyatlari, Toshkent shahar va Qoraqalpog‘iston Respublikasi jamoalari g‘oliblik uchun bahsga kirishdi.

Yakunda Samarqand viloyati jamoasi birinchi o‘ringa sazovor bo‘ldi. Namangan viloyati ikkinchi va Toshkent shahar basketbolchilari uchinchi o‘rinlarni egalladi.
***
Sportning "K-1" yo‘nalishi
Samarqand shahrida sportning "K-1" yo‘nalishi bo‘yicha viloyat chempionati tashkil etildi. Unda 100 nafardan ortiq yoshlar va katta yoshdagilar o‘zaro kuch sinashdi.
Yakunda umumjamoa hisobida viloyatimiz sportchilari hammadan ustun keldi. Ikkinchi o‘rin navoiyliklarga nasib etdi.
***
Yunon-rum kurashi
Samarqand shahrida yunon rum kurashi bo‘yicha 2007-2008 yillarda tug‘ilgan va undan kichik yoshdagilar o‘rtasida viloyat chempionati o‘tkazildi.
Birinchi o‘rinni Toshkent shahridan kelgan sportchilar egalladi.
***
Futbol
2007 yilda tug‘ilgan bolalar o‘rtasida futbol bo‘yicha respublika musobaqasi bo‘lib o‘tdi.
O‘yinlar Samarqand shahridagi “Lokomativ”, “Dinamo PFK” tasarrufidagi bolalar–o‘smirlar maxsus futbol maktabida, Jomboy tumanidagi markaziy futbol stadioni hamda final bahslari “Dinamo” markaziy o‘yingohida o‘tkazildi.

G‘oliblik Toshkent shahriga nasib etdi.
***

Qo‘l jangi
Samarqand tumanida qo‘l jangi bo‘yicha professional sportchilar o‘rtasida “R-1” yo‘nalishida viloyat ochiq kubogi tashkil etildi.
Yakunda Samarqand shahri qo‘l jangi ustalari g‘oliblikni qo‘lga kiritdi.
***
Bolalar futboli
15-16 yoshlilar o‘rtasida “Charm to‘p” an’anaviy futbol musobaqasi bo‘lib o‘tdi.
Yakuniy natijaga ko‘ra, Urgut tumanining Jartepa mahallasi jamoasi birinchi o‘rin g‘olibi bo‘ldi.
***
Nippon kempo
Samarqand shahrida sportning nippon kempo (qo‘l jangi) turi bo‘yicha viloyat chempionati o‘tkazildi.
140 nafar sportchilar qatnashgan bellashuvida Samarqand shahar vakillari birinchi o‘ringa ega chiqdi.

***
Karate VKF
Samarqand shahrida karate VKF bo‘yicha yoshlar va kattalar o‘rtasida viloyat chempionati bo‘lib o‘tdi.
Musobaqada 300 nafardan ortiq sportchilar orasida umumjamoa hisobida Samarqand shahar birinchilikni egalladi.
***
U-shu
Samarqand shahrida sportning u-shu turi bo‘yicha yoshlar, o‘smirlar va kattalar o‘rtasida viloyat ochiq chempionati tashkil etildi.
Yakunda Samarqand shahar jamoasi birinchi o‘ringa loyiq ko‘rildi. Ikkinchi va uchinchi o‘rinlar Past Darg‘om va Urgut tumanlari sportchilariga nasib etdi.
***
Ayollar kurashi
Samarqand shahrida kurash bo‘yicha qizlar o‘rtasida viloyat chempionati bo‘lib o‘tdi.
120 nafar kurashchilar gilamda bel olishdi. Yakuniy natija bo‘yicha Samarqand shahar jamoasi eng ko‘p natija ko‘rsatib, birinchilikni egalladi.
***
Og‘ir atletika
Samarqand shahrida og‘ir atletika bo‘yicha 2006 yilda tug‘ilgan va undan kichik yoshdagilar o‘rtasida O‘zbekiston chempionati o‘tkazildi.
300 nafardan ortiq atletlar jam bo‘lgan musobaqa yakunida Toshkent viloyatining Chirchiq olimpiya zaxiralari kolleji atletlari birinchi o‘ringa sazovor bo‘ldi. Samarqand olimpiya zaxiralari kolleji ikkinchi o‘ringa ega chiqqan bo‘lsa, uchinchi o‘rin Xorazm viloyatining Urganch olimpiya zaxiralari kolleji sportchilariga nasib etdi.
***
Jet kun do
Samarqand shahrida sportning jet kun do turi bo‘yicha yoshlar, o‘smirlar va kattalar o‘rtasida respublik ochiq chempionati bo‘lib o‘tdi.
Unda 121 nafar mamlakatimiz sportchilari qatorida Qozog‘iston respublikasidan kelgan sportchilar o‘z mahoratlarini namoyish etishdi.
Yakunda Samarqand shahar jamoasi birinchi o‘rinni egalladi.
***
Mini futbol
Samarqand shahrida mini futbol bo‘yicha tibbiyot xodimlari o‘rtasida “XOTIRA CUP-2021” respublika chempionati bo‘lib o‘tdi.
30 ta jamoa maydonda to‘p surdi. Yakuniy final bahsi 4 ta jamoa o‘rtasida kechdi va Toshkent shahar jamoasining g‘alabasi bilan yakunlandi.