Xorij voqealari qisqa xabarlarda: Turkiya Isroil bilan savdo aloqalarini to‘xtatdi. Tojikiston, Qirg‘iziston va O‘zbekiston fuqarolarining Rossiyaga kiritmaslik holatlari aytilmoqda
🔹 Turkiya Savdo vazirligi mamlakat Isroil bilan barcha eksport va import operatsiyalarini to‘xtatganini tasdiqladi. “Davlat darajasida amalga oshirilgan chora-tadbirlarning ikkinchi bosqichini amalga oshirish boshlandi. Isroil bilan eksport-import operatsiyalari barcha tovarlar guruhlari bo‘yicha to‘xtatildi”, deyiladi mahkama bayonotida.
🔹 Qirg‘iziston fuqarolariga «zaruratsiz» vaqtincha Rossiyaga sayohatdan voz kechishni tavsiya qilindi. Vazirlik saytida aytilishicha, Rossiyada “kiritilgan qo‘shimcha xavfsizlik choralari va hududga kirish nazorati yumshatilgunga qadar” sayohatdan tiyilish tavsiya etiladi. TIVning tushuntirishicha, tavsiya OAVda respublika fuqarolarining Rossiya Federatsiyasiga kiritishdan ommaviy man etilgani haqidagi ma’lumotlar paydo bo‘lishi munosabati bilan berilgan. Huquq himoyachisi Valentina Chupik ham Rossiya chegarachilari Tojikiston, Qirg‘iziston va O‘zbekiston fuqarolarini ommaviy ravishda mamlakatga kiritmayotganini aytdi. Uning ma’lumotlariga ko‘ra, 1 mayga qadar Rossiya aeroportlarida to‘rt yarim mingga yaqin odam, taxminan shuncha odam quruqlikdagi chegara nazorat-o‘tkazish punktlaridan mamlakat hududiga kiritilmagan.
🔹 Rossiya Federatsiyasida terrorchilik harakati sifatida tan olingan Tolibon harakati Qozog‘iston va Turkmaniston bilan mintaqaviy eksport, jumladan, Rossiyadan Janubiy Osiyoga neft yetkazib berish uchun logistika markazi qurish bo‘yicha kelishib oldi. Tolibon yangi markaz orqali millionlab tonna neft o‘tishiga va Rossiya uni yaqin yillarda Janubiy Osiyo davlatlari, xususan, Pokistonga sotishini umid qilmoqda.
🔹 Fransiyada Isroilning G‘azo sektoridagi harakatlariga qarshi talabalar noroziliklari davom etmoqda. Falastin tarafdori bo‘lgan o‘nlab namoyishchilar Parijdagi nufuzli Sciences Po universitetining bir necha binolarini egallab olgan.
🔹 2024 yilda so‘z erkinligi uchun Deutsche Welle mukofoti muxolifatchi Aleksey Navalniy xotini Yuliya Navalnayaga topshirildi. Mukofot bugun, 3 may - Jahon matbuot erkinligi kunida e’lon qilindi.
🔹 Bugun Yerda 2024 yilning uchinchi eng kuchli magnit bo‘roni kuzatilmoqda.
