Yo‘lda qolib ketgan 18 nafar fuqaroga yordam ko‘rsatildi
Joriy yilning 14 dekabr kuni soat 8:31 da Jizzax viloyati favqulodda vaziyatlar boshqarmasining navbatchilik qismiga «G‘allaorol-Qo‘ytosh 4R» yo‘lining 42-kilometrida qorning ko‘p yog‘ishi oqibatida avtobus va yengil avtomobillar yo‘lda qolib ketganligi to‘g‘risida xabar kelib tushgan.
FVV xabariga ko‘ra, mazkur murojaat yuzasidan viloyat favqulodda vaziyatlar boshqarmasi qutqaruv guruhi zudlik bilan voqea joyiga chiqqan.
Olib borilgan tezkor harakatlar natijasida “ISUZU” rusumli avtobus, “Cobalt” va «Volga» rusumli yengil avtomobillar salonidagi 18 nafar fuqaro evakuatsiya qilindi.
