YPX xodimlaridan qochishga uringan haydovchi "tupik"ka tiqilib qoldi
Joriy yilning 28 avgust kuni soat 17:40 larda Urgut tumani Navoiy shohko‘chasida YPX xodimi K.Rashidov tomonidan "Damas" rusumli avtomobil haydovchisiga to‘xtash ishorasi ko‘rsatilganda haydovchi to‘xtamasdan harakatda davom etgan.
YPX xodimi va ushbu joyda xizmat olib borayotgan IIB sohaviy xizmatlari xodimlari boshqa bir "Damas" rusumli avtomobilda to‘xta ishorasiga bo‘ysunmay qochgan haydovchini kuzatib borgan.
Haydovchi to‘xtagandan so‘ng xodimlar tomonidan bo‘ysunmaslik holatini bartaraf qilish choralari ko‘rilgan. YPX xodimi tomonidan me’yoriy hujjatlari taqdim qilinishi so‘ralganda, haydovchi hujjatlarini taqdim qilmagan.
Holat yuzasidan tegishli tartibda bayonnoma va boshqa hujjatlar rasmiylashtirilib, avtomobil vaqtincha saqlash uchun jarima maydoniga qo‘yilgan.
