“Самарқанд-Тошкент” шаҳарлараро автобус қатнови йўлга қўйилди
Бугун 17 апрель кунидан Самарқанд шаҳридаги автомобиллар Бош бекати орқали “Самарқанд-Тошкент” шаҳарлараро замонавий автобус қатнови йўлга қўйилди, деб хабар бермоқда вилоят ҳокимлиги матбуот хизмати.
Мазкур йўналиш бўйича ҳар куни эрталаб соат 07:00, 09:00, 10:00 да Самарқанд шаҳридан ва куннинг иккинчи ярмида, яъни соат 13:30, 16:00, 18:00 да Тошкент шаҳридан ҳаракатланиши белгиланган.
Йўналиш бўйича ҳаракатланиш вақти 3 соатни ва чипта нархи 1 йўловчи учун бир томонга 25000 сўмни ташкил этади (автобус 55 та ўринга эга).
