AQShda so‘nggi kecha-kunduzda 72 mingdan ortiq koronavirus holati qayd etildi
Qurbonlar soni ikki kundan buyon ming nafardan oshmoqda.
Taqdim etilgan so‘nggi ma’lumotlarga ko‘ra, so‘nggi 24 soat ichida mamlakatda 72 306 nafar koronavirus holati aniqlangan, 1195 kishi vafot etgan.
Bugungi kunga qadar mamlakatda koronavirus infeksiyasi bilan kasallanganlarning umumiy soni 4 100 875 nafarni tashkil etmoqda. Jami 143 mingdan ortiq bemor vafot etgan va 1,5 milliondan ortiq bemor tuzalgan.
23 iyul holatiga ko‘ra, dunyo bo‘ylab koronavirus infeksiyasi bilan kasallanganlarning umumiy soni 15 375 005 nafarga yetdi. Zararlanganlarning 9 349 420 nafari tuzalgan va 630 222 nafar bemor vafot etgan.
