Butun dunyo metrosi haqidagi tasavvuringizni o‘zgartiradigan qiziqarli faktlar

Metro dunyodagi eng mashhur transport turlaridan biridir. Ularning har biri yiliga bir necha million yo‘lovchini manziliga yetkazadi. Masalan, Bangkok metrosida rohiblar uchun maxsus joylar ajratilgan, Xelsinkidagi dunyoning eng shimoliy metrosida qoya ichida qurilgan tunnel bor. Bugun turli qit’alarda joylashgan metrolarning nozik jihatlari haqida so‘z yuritamiz.

Makkada metro yiliga atigi 7 kun ishlaydi

Makkadagi metro 2010 yilda faqat muqaddas shahar va uning chekkasiga qatnaydigan ziyoratchilarni tashish uchun ochilgan. Kuniga 1 milliondan ortiq yo‘lovchini tashiydigan poyezdda umumiy sig‘imi 72 ming yo‘lovchiga mo‘ljallangan 12 ta vagon mavjud. Metro faqat Haj kunlari, yiliga atigi 7 kunishlaydi.

Rim metrosi bekatlarining birida arxeologik topilmalar bor

2018 yilda Rim metrosidagi A va S chiziqlari kesishgan joyda birinchi arxeostansiya ochildi. Stansiyaning qurilish jarayonida o‘nlab arxeologik topilmalar topilgan. Endi qadimiy asarlar ushbu stansiya foyyesiga ko‘rgazma sifatida qo‘yilgan.

Singapur metrosida hatto bola adashmaydi

Hatto tajribasiz sayyoh ham Singapur metrosida sarosimaga tushmaydi. Stansiyalarning nomlari bor, yo‘lovchilarga yanada qulay bo‘lishi uchun ularning seriya raqami va rangi ham mavjud, bu esa til bilan bog‘liq to‘siq va tushunmovchiliklarni bartaraf etadi.

Singapurdagi metroni texnologik jihatdan eng ilg‘or va mantiqiy deb atash mumkin. Masalan, yo‘lovchilar bir-biriga to‘qnashmasligi yoki to‘sqinlik qilmasligi uchun platformalardagirangli chiziqlar kirish va chiqish joylarini ko‘rsatadi. Hatto yo‘lovchilarga noxush taassurot qoldirmaslik uchun metroda “durian” nomli o‘zga xos hidga ega ekzotik mevani tashish taqiqlangan.

Fukuoka metrosida 14 tilda ishlaydigan ma’lumot markaz bor

Yaponlar samimiy odamlar, buni hatto metro ham tasdiqlaydi, unda har kuni 14 tilda, shu jumladan rus tilida xizmat ko‘rsatadigan metro yordam markazi ishlaydi. Bundan tashqari, barcha sohada tartib saqlashni hurmat qiladigan yaponlar mashinaga kirish uchun navbatda turishadi.

Mumbay metrosida ayollar uchun vagonlar bor

2014 yilda ishlay boshlagan Mumbaydagi monorelsli metro aholini chinakamiga xursand qilgan, chunki ular uzoq masofalarga atigi 25 daqiqa vaqt sarflashadi. Bu metroda mahalliy aholining sevimli vagon tomiga chiqish mashg‘uloti taqiqlangan.

Poyezdlarda faqat ayollar uchun maxsus vagonlar mavjud. Bu g‘oya ayollarni erkaklar tomonidan zo‘ravonlikdan himoya qilish uchun kiritilgan.

Dunyodagi eng tor platformalar Glazgo metrosida joylashgan

Poyezdlarning rangi tufayli sayyohlik qo‘llanmalarda Glazgo metrosi "burab qo‘yilgan apelsin" deb nomlanadi. Mahalliy aholi esa uni oddiygina Metro (The Subway) yoki Tube (The Tube)deb ataydi.

Glazgo metrosi dunyodagi eng qadimgi metrolar orasida dunyoda 3-o‘ringa ega. Barcha stansiyalar yer ostida joylashgan, platformalarning o‘rtacha kengligi bor-yo‘g‘i 3, uzunligi esa 40 metrdan iborat. Bu yerdagi platformalar, ayniqsa, boshqalar bilan solishtirganda juda tor ko‘rinadi.

B.Muhammadiyeva tayyorladi.