Deputat o‘ziga nisbatan informatsion hujum uyushtirilayotganini ma’lum qildi
Oliy Majlis Qonunchilik palatasi deputati Rasul Kusherbayev o‘ziga nisbatan informatsion hujum boshlanganini ma’lum qildi.
«Menga qarshi bir nechta nomardlar birlashib, «informatsion ataka»ga buyurtma berishibdi. Sababi shundoq ham ma’lum...
Qamroviga qaraganda kichkina kuchlar emas.
Shu bois men haqimdagi hamma gapga ham ishonaverish kerakmas, nimadir gap bo‘lsa, o‘zim ma’lum qilaman», deya yozgan deputat.
Eslatib o‘tamiz, Rasul Kusherbayev avvalroq «Snos» epidemiyasining ikkinchi to‘lqini boshlangani haqida fikr bildirgan edi.
