Kattaqo‘rg‘onda kuchli shamol kollej va boshqa ob’yektlarga jiddiy ziyon yetkazdi
Bugun, 23 iyun kuni Samarqand viloyati Kattaqo‘rg‘on shahrida kuchli shamol bo‘ldi.
Kattaqo‘rg‘on shahar hokimligi axborot xizmatining xabar berishicha, hududdagi iqtisodiyot kolleji sport zalining tom qismi ushbu shamol natijasida qattiq shikastlangan. Shaharda shamoldan zarar ko‘rgan ob’yektlar faqat ushbu kollej emas.
Hokimlik axborot xizmati rahbari Jamshid Nosirovning aytishiga qaraganda, yana ko‘plab ob’yektlarga talafot yetgan. Ayni paytda shahar hokimi G.Alimova va boshqa mutasaddilar ushbu obe’ktlarni ko‘zdan kechirmoqda.
Hozircha jarohatlanganlar va talafot yetgan binolar soni aniq emas. Saytimizni kuzatib boring, bu haqda batafsil ma’lumot beramiz.
