Qo‘shrabot tumani hokimi 62 nafar faol konchilarni taqdirladi
Bugun Qo‘shrabot tumanida Janubiy kon boshqarmasi tasarrufidagi “G‘ujumsoy” va “Zarmitan” oltin konlari, 4-gidrometallurgiya zavodi va boshqa xizmat ko‘rsatish tashkilotlarida mehnat qilib kelayotgan ishchi-xodimlar uchun madaniy tadbir bo‘lib o‘tdi.
Viloyat hokimligi tashabbusi bilan tashkil etilgan mazkur tadbirga 300 nafar konchilar taklif etildi. Ular orasidan tog‘-kon sanoati rivojiga hissa qo‘shib kelayotgan 62 nafar faol ishchi-xodimlarni tuman hokimi H.Oqbo‘tayev esdalik sovg‘alari bilan taqdirladi.
