Samarqand shahrida 1377 oila “temir daftar”dan chiqarildi
Bu haqda Samarqand shahar hokimligi matbuot xizmati xabar qildi.
Xalq deputatlari Samarqand shahar kengashining o‘n uchinchi sessiyasi qaroriga asosan, sektor rahbarlari taqdimnomasi bo‘yicha «temir daftar»ga kiritilgan 5729 kambag‘al oiladan 1377 tasi kambag‘al oilalarni qo‘llab-quvvatlash borasida olib borilgan ishlar natijasida yashash sharoiti yaxshilanganligi uchun «temir daftar»dan chiqarilgan.
Ma’lum qilinishicha, 1-sektorda — 309 ta, 2-sektorda — 400 ta, 3-sektorda — 396 ta, 4-sektorda 272 ta kambag‘al oila ehtiyojmandlar safidan chiqarilgan.
