Samarqandda tadbirkor o‘z sheriklari bilan bir insonni kaltaklab o‘ldirdi
Joriy yilning 20 noyabr kuni soat 03:40 atrofida Samarqand shahridagi Beruniy ko‘chasida tadbirkor D.M. va uning 2 nafar sherigi boshqa bir tadbirkor I.M. bilan o‘zaro janjallashib, qo‘l va oyoqlari bilan tanasining turli qismlariga bir necha marotaba tan jarohati yetkazgan. Bu haqda Bosh prokuratura axborot xizmati ma’lum qildi.
Oqibatda I.M. olgan tan jarohatlari tufayli 23 noyabr kuni shifoxonada hayotdan ko‘z yumdi.
Mazkur holat yuzasidan Samarqand shahar IIO FMB tomonidan JKning 104-moddasi 3-qismi «d» bandi bilan jinoyat ishi qo‘zg‘atilgan. D.M. va uning 2 nafar sherigi protsessual tartibda ushlangan.
