Samarqandlik Zulfiyaxonim qizlari
O‘zbekiston Respublikasi Prezidenti Sh.Mirziyoyev 2019 yil 2 martda «Zulfiya nomidagi Davlat mukofoti bilan taqdirlash to‘g‘risida» qaror qabul qildi. Unga ko‘ra, Samarqand viloyatidan Samarqand shahridagi 51-ixtisoslashtirilgan davlat umumiy o‘rta ta’lim maktabining 11-sinf o‘quvchisi Rasulova Hilola Komil qizi hamda Oqdaryo tumanidagi 45-ixtisoslashtirilgan umumiy o‘rta ta’lim maktabining 10-sinf o‘quvchisi Qanoatova Madina Rafiq qizi Zulfiya nomidagi Davlat mukofoti bilan taqdirlandi.
