SamVMI delegatsiyasi Qoraqalpog‘iston Respublikasi Jo‘qorg‘i Kengesida bo‘ldi

Samarqand veterinariya meditsinasi instituti rektori Xudaynazar Yunusov boshliq delegatsiya Qoraqalpog‘iston Respublikasida bo‘ldi. Delegatsiya tongda Respublika poytaxti Nukus shahriga yetib bordi.

Tashrifning dastlabki uchrashuvi Qoraqalpog‘iston Respublikasining Oliy organi - Jo‘qorg‘i Kengesida bo‘lib o‘tdi. Institut rahbariyati va filial mutasaddilari respublika hukumati vakillari bilan mamlakatimizda amalga oshirilayotgan islohotlar, oliy ta’lim tizimiga qaratilgan e’tibor, oziq-ovqat xavfsizligi masalalari, shuningdek, Samarqand veterinariya meditsinasi instituti Nukus filialining bugungi kundagi faoliyati, ilmiy salohiyati, qolaversa, ekologik va umuminsoniy muammolar xususida fikr-mulohaza almashindi. Mo‘ynoqda filial tomonidan amalga oshirilishi rejalashtirilayotgan ishlar muhokama qilindi.

SamVMI axborot xizmati.