Test sinovlari bir kunda ikki smenada o‘tkaziladi
Davlat komissiyasining 1-sonli bayoniga muvofiq, koronavirus pandemiyasiga qarshi kurashish tadbirlarini inobatga olib, 2020/2021 o‘quv yili qabulida test sinovlari qoida tariqasida, bir kunda ikki smenada o‘tkaziladi. Bu haqda Oliy va o‘rta maxsus ta’lim vazirligining rasmiy telegram kanalida ma’lum qilindi.
Bunda har bir abituriyent uchun binolarda 3 metr kvadratdan kam bo‘lmagan joy ajratiladi.
Koronavirus pandemiyasi sharoitida sanitariya normalari talablaridan kelib chiqib, imtihonlarda abituriyentlarning ota-onalari va ularning yaqinlari uchun alohida kutish (to‘planish) joylari tashkil qilinmaydi.
