Toshkent aeroportida “oltin” serviz olib o‘tmoqchi bo‘lgan ayol to‘xtatildi
Toshkent xalqaro aeroportida bojxonachilar idishlar to‘plamida 3 kilogramm zargarlik buyumlari borligini aniqlashdi, deb xabar qildi Bojxona qo‘mitasi matbuot xizmati.
Xabarda aytilishicha, shu kunlarda Toshkent xalqaro aeroportida xorijdan uchib kelgan fuqaro K.N.ning xatti-harakatlari bojxonachilar e’tiborini tortdi va u bojxona ko‘rigidan o‘tkazildi.
Natijada ayol olib kelgan idishlar to‘plamida 3 kilogramm zargarlik buyumlari yashiringanligi aniqlandi.
Hozirgi vaqtda ushbu huquqbuzarlik yuzasidan bojxona surishtiruvi o‘tkazilmoqda.
