Tramp: Amerika tez orada Oyga qaytadi va Marsga bayroq tikadi
Amerika tez orada Oyga qaytadi va Marsga bayroq tikadi deb e’lon qildi AQSh prezidenti Donald Tramp Mustaqillik kuniga bag‘ishlangan nutqida. Oldinroq u NASA byudjeti uchun qo‘shimcha mablag‘ ajratishga va’da bergandi, deb yozmoqda Minbar.
"Tez orada Oyga qaytishimizni aytmoqchiman va bir kuni Marsga Amerika bayrog‘ini o‘rnatamiz", – degan Tramp.
May oyi o‘rtalarida Tramp NASA uchun qo‘shimcha 1,6 mlrd dollar ajratishga va’da bergan. AQSh rahbari shu bilan fazoga katta kuch ila qaytishni reja qilganini yashirmagan.
Vitse-prezident Mayk Pensning mart oyida aytishicha, NASA Oq uydan yaqin besh yil ichida amerikalik fazogirlarni Oyga uchirishga topshiriq olgan. 2020 yilda Oyga chiqish maqsadi yo‘lida Orion kemasiga eng og‘ir raketa tashuvchi Space Launch System (SLS) apparatidan foydalanish rejalashtirilgan.
