Paxtachida ammoniy nitrat ishlab chiqaradigan zavod quriladi
Paxtachi tumaniga Shveysariyaning nufuzli "Pari SA" kompaniyasi vakillari tashrif buyurdi. Mehmonlar tumanning investitsiya imkoniyatlarini o‘rgandi.
Tuman hokimi M.Hamdamov va "Pari SA" kompaniyasining O‘zbekistondagi vakili D.Shukurovlar ishtirokida memorandum imzolandi.
Unga ko‘ra, tumanda to‘g‘ridan-to‘g‘ri xorijiy investitsiya va xalqaro moliya kreditlari hisobidan, 450 million AQSh dollariga teng texnik ammoniy nitrat ishlab chiqaradigan katta zavod qurilishi rejalashtirilmoqda. Agar loyiha amalga oshirilsa, 1000 ga yaqin yangi ish o‘rinlari yaratiladi.
Jamolbek SALOMOV.
