Samarqandda qancha talaba bor, ularning qanchasi turar joy bilan ta’minlangan?

Samarqand davlat universitetida kunduzgi bakalavriat talabalari soni 15 179 nafar. Ulardan 1 470 nafari talabalar turar joyida, 7 200 nafari ijarada yashaydi.

Samarqand davlat tibbiyot institutida 6 767 nafar talaba tahsil oladi. Ularning 1 200 nafarga yaqini yotoqxona bilan ta’minlangan, 2 173 nafari ijarada turadi.

Samarqand iqtisodiyot va servis institutida 4 339 nafar talabaning 250 nafari talabalar yotoqxonasida yashaydi, 797 nafari ijarada turadi.

Samarqand davlat arxitektura-qurilish instituti 6 011 nafar talabasining 1 682 nafari ijarada, 811 nafari talabalar turar joyida istiqomat qiladi.

Samarqand veterinariya meditsinasi institutida talabalar soni 4 365 nafar. Ularning 421 nafari yotoqxonada, 2 347 nafari ijarada yashaydi. 233 nafari yaqin qarindoshlarinikida turadi.

“Ipak yo‘li” turizm xalqaro universiteti 1 200 nafar talabasining 54 nafari Samarqand davlat universitetining 4-son talabalar turar joyida yashaydi. 700 nafarga yaqin talaba yotoqxonaga muhtoj.

Toshkent davlat iqtisodiyot universiteti Samarqand filialida kunduzgi ta’lim yo‘nalishida o‘qiydigan 528 talabaning 170 nafari ijarada, 118 nafari talabalar turar joyida yashaydi.

Toshkent davlat agrar universiteti Samarqand filialida 390 nafar talaba va magistr o‘qiydi. Yotoqxona ta’mirlanayotgani bois talabalarning 317 nafari ijarada turibdi.

Samarqand davlat chet tillar instituti va Toshkent axborot texnologiyalari universiteti Samarqand filiali bu haqda ma’lumot bermadi.